Questo sito utilizza esclusivamente cookie tecnici di sessione, con la sola finalità di permettere la normale navigazione delle pagine web. Non vengono utilizzati cookie di profilazione o tracciamento. Informativa Cookie

Martedì, 19 Marzo 2024
Impostazioni di visualizzazione: 

www.gabrieleortu.it – Copyright © Gabriele Ortu, tutti i diritti riservati

Istivingius gadonesi

Pitiolu ‘e dexi
portat murrixedda
sa craba mannaliza
Pitiolu ‘e dexi
No ddu pighis a s’imbìza
a papari ‘e sa scivedda
mi chi ddui agatas fexi.

It’est custa pretesa
chi tui totu vantas
po sa mia bellesa
It’est custa pretesa
Sa mia poberesa
tui no dd’ incantas
cun sa tua richesa.

Pitiolu ‘e dexi
s’intendit a istesu
in terra furistera.
Pitiolu ‘e dexi
Si non cambias manera
t’ap’a segari su strexu
senza tenniri nexi.

Pitiolu ‘e dexi
arretumbat in sartu
fina a monte ‘e Cresia.
Pitiolu ‘e dexi
Totu custa ceresia
no est cosa de iscartu
comenti tui crexi.

In s’altari maggiori
arrésat predi Ortu
sa missa pitia.
In s’altari maggiori
In custa dì nodia
ti siat de cunfortu
su miu macchiori.

In s’ «Ortu de su Linu»
cantat su pitziadeddu
in su mesi de arbili.
In s’ «Ortu de su Linu»
Ca ses pagu gentili
custu cumprendeddu
e circa de ponni’ a tinu.

Copyright © Gabriele Ortu - Tutti i diritti riservati.
www.gabrieleortu.it – Copyright © Gabriele Ortu, tutti i diritti riservati

 
Copyright © 2007-2024 Gabriele Ortu

Menù rapido informazioni